Ano ang parirala?
Ang parirala ay lipon o kumbinasyon ng magkakaugnay na mga salita na walang simuno o panaguri. Ang mga parirala na may iisang diwa ay pinag-uugnay upang makabuo ng isang pangungusap.
Mga Halimbawa ng Parirala
1. si Jose Rizal2. ang sumulat
3. ng Noli Me Tangere
Pangungusap na mabubuo
Si Jose Rizal ang sumulat ng Noli Me Tangere.
Anu-ano ang mga uri ng parirala?
May ibat-ibang uri ng parirala ayon sa anyo. Nauuri ito ayon sa anyo o ayon sa gamit.
A. PARIRALA AYON SA ANYO
1. Karaniwang Parirala - Ito ay parirala na binubuo ng karaniwang salita.
Si Jane
batang masipag
2. Pariralang pang-ukol - Binubuo ito ng pang-ukol at layon nito.
para sa akin
sa kabila ng bakod
ukol sa pagibig
3. Pariralang Pawatas - Binubuo ito ng pandiwang pawatas at layon nito.
maligo sa ilog
magbasa ng aklat
matulog nh maaga
B. PARIRALA AYON SA GAMIT.
May tatlong uri gamit ng parirala sa pangungusap. Ito ay pariralang panggalan, pariralang pang-uri, at pariralang pang-abay.
1.Pariralang Panggalan - Ito ay ginagamit na simunong pangungusap, layon ng pandiwa o tagatanggap ng layon ng pandiwa.
A. Bilang Simuno
Ang may suot na puting uniporme ang nagwagi.
B. Tagatanggap ng Layon
Ang relo ay ibinigay ni Alfred kay Ana.
2. Pariralang Pang-uri - Ang pariralang pang-uri ay nagbibigay turing sa pangalang sinusundan.
Ang mga taong may pagpapahalaga sa Diyos ang namumuhay ng payapa.
Siya na tumatanggap ng pagkatalo ay mabuting tao.
3. Pariralang Pang-abay - Ito ay nagbibigay turing sa pandiwa, pang-uri at pang-abay.
a. Nagbibigay turing sa salitang sinusundan
Ang humahabol sa kanya ay natisod sa nakausling bato.
Sa ginawang pagtatanghal, ang mga mag-aaral ay umawit nang buong sigla.
b. Nagbibigay turing sa isang pang-abay
Nagtakbuhan ang mga bata nang marinig ang kulog.
c. Nagbibigay turing sa pang-uri
Ang mga Pilipino ay matulungin sa salita at sa gawa.
No comments:
Post a Comment